خشتە.. سبەینێ لە چامپیۆنز لیگ جەولەى چوارەم دەستپێدەکات

لە چامپیۆنز لیگ، سبەینێ ریاڵ مەدرید و میلان یارى لوتکە دەکەن و لیڤەرپوڵیش میواندارى بایەر لیڤەرکوزن دەکات.

سبەینێ بە نۆ یارى گەڕى چوارەمى قۆناغى یەکەمى خولى یانە پاڵەوانەکانى ئەوروپا دەستپێدەکات، کاتژمێر ١١ى شەو لە یارى لوتکەى جەولەکەدا، ریاڵ مەدریدى ئیسپانى، میواندارى ئەى سى میلانى ئیتاڵى دەکات.

لە هەمان کاتدا، لیڤەرپوڵى ئینگلیزى لە یاریگاى ئەنفیڵد، بەرامبەر بایەر لیڤەرکوزنى ئەڵمانى یارى دەکات، مانچستەر سیتى ئینگلیزیش، دەبێت بە میوانى سپۆرتینگى پۆرتوگالى.

هاوکات دۆرتمۆندى ئەڵمانى و شتۆرمى نەمسایى رووبەڕووى یەکدەبنەوە و یۆڤانتۆسى ئیتاڵیش لە دەرەوەى یاریگاى خۆیدا بەرامبەر لیلى فەڕەنسى یارى دەکات.