فەرەنسا گەشتە ئاسمانییەکانى بەسەر دەریای سوور راگرت

زووم..

کۆمپانیای ئێر فرانس، دەڵێت، وەک رێکارێکی خۆپارێزی گەشتەئاسمانى و فڕۆکەوانییەکانیان تاکو کاتێکی نادیار بەسەر ناوچەکانى دەریای سووردا راگرتووە.

کۆمپانیاکە بە ئاژانسی فرانس پرێسی گوتوە، وەک رێکارێکی خۆپارێزی، دوای بینینی تەنێکی رووناک لە ئاسمانى سودان، گەشتەئاسمانییەکانیان بەسەر ناوچەکانى دەریای سوور، تاکو کاتێکی نادیار راگرتووە.

دەشڵێن، پرۆگرامی هەندێک لە گەشتەکانیان گۆڕیوە و هەندێک فڕۆکە گەڕاونەتەوە بۆ ئەو فڕۆکەخانانەی کە لێیەوە هاتوون.

لە ٧ـی ئۆکتۆبەرى ساڵی پارەوە، لەلایەن حووسییەکانى یەمەنەوە لە دەریای سوور و کەنداوی عەدەن هێرش دەکرێتە سەر کەشتییە بازرگانییەکان و هاتوچۆی دەریایی و بازرگانى بە شێوەیەکی بەرچاو پەکخستووە.