زووم..
یانەی نەورۆز رایگەیاند، وه‌ك یانه‌ی وه‌رزشی نه‌ورۆز هه‌ڵده‌سین به راگه‌یاندنی كامپینی رزگاركردنی كاكه بارین له بوتڵی ئۆكسجین.
یانەکە لە راگەیەنراوێکی بڵاوکردەوە و رایگەیاند، كاكه بارینی له دڵا شیرینی ته‌مه‌ن 7 به‌هار له بیسته‌م ڕۆژی له دایكبوونییه‌وه نه‌خۆشی په‌ككه‌وتنی سییه‌كانی له‌گه‌ڵدایه و چاره‌سه‌ره‌كه‌ی له ده‌ره‌وه‌ی وڵاته، “ئێمه وه‌ك یانه‌ی وه‌رزشی نه‌ورۆز وه‌ك پار هه‌وڵمان داوه‌و ئه‌مساڵیش هه‌وڵده‌ده‌ین ببینه ده‌ستێكی خێر بۆ كاكه بارین و هه‌ڵده‌ستین به سازدانی كامپینێك به هه‌ماهه‌نگی له‌گه‌ڵ ده‌سته‌ی هانده‌رانی یانه‌كه‌مان له یاری داهاتووی یانه‌كه‌مان به‌رامبه‌ر یانه‌ی گه‌رمه كه له‌سه‌ر یاریگای نێوده‌وڵه‌تی نه‌ورۆز ئه‌نجام ئه‌درێت و له چه‌ند جێگایه‌كی یاریگا سندوقی كامپینه‌كه داده‌نرێت كه له‌لایه‌ن ده‌سته‌ی هانده‌رانی یانه‌كه‌مانه‌وه سه‌رپه‌رشتی ده‌كرێن”
یانەکە جەختیکردووەتەوە، هه‌موو كات به وه‌فایه به‌رامبه‌ر هانده‌رانی و به تایبه‌تر بۆ ئه‌م منداڵه چاوگه‌شه, داواكارین له سه‌رجه‌م هانده‌رانی یانه‌ی نه‌ورۆز و شه‌قامی وه‌رزشی سلێمانی به پێی توانای خۆتان له‌م كه‌مپینه‌دا به‌شدار بن و تاكو به زووترین كات كاكه بارین له‌م دۆخه ناخۆشه‌دا ڕزگاری ببێت و داواكارین له یه‌زدانی مه‌زن شفای به‌خێر و به‌په‌له‌ی بۆ بنێرێت
ده‌توانن له ڕێگه‌ی ئه‌م ژماره مۆبایلانه‌وه هاوكارییه‌كانتان بگه‌یه‌نن به باوكی كاكه بارین
Fast Pay , FIB , Card Asia 07700368525
Card Korek 07510369561
FIB 07725452402
Fast Pay , FIB 07501707417
یانه‌ی نه‌ورۆز ئەوەشی راگەیاندووە، هه‌رگیز ئه‌و هاوكاری و دۆستایه‌تی و برایه‌تی یانه‌كانی هه‌ولێر و دهۆك و زاخۆ و هانده‌ره‌كانییان له‌بیر ناچێت له یارمه‌تیدانی ئه‌م هانده‌ره‌مان , “ئێمه هه‌موو كات خۆمان به دۆست و برای سه‌رجه‌م یانه كوردییه‌كان زانیوه‌و ئه‌وانیش بۆیان دووپاتكردووینه‌ته‌وه , به‌و هیوایه‌ین هه‌موو كات ئه‌م دۆستایه‌تی و كاره جوامێرانه به‌رده‌وام بێت”.
