لە شاری هەولێر تیروپشکی خولی نایابی کوردستان راکێشراو 16 یانەش بەشدارە.
بە ئامادەبوونی سەرۆک و ئەندامانی یەکێتی تۆپی پێی کوردستان و نوێنەری 16یانە تیروپشکی خولی نایابی کوردستان راکێشرا.
لە تیروپشکەکەدا یانەی ئاکرێ پاڵەوانی وەرزی رابردووی خولەکە لە یاریگای خۆی میوانداری چوارقوڕنە دەکات و پێشمەرگەی هەولێریش دەبێتە میوانی شەقڵاوە.
لە کاتی راکێشانی تیروپشکەکەدا نوێنەری یانەی ئارارات ئامادەنەبوو تائێستاش هیچ ئامادەکاریەکی نەکردووە، بەهەمان شێوە یانەی سەیدسادقیش هیچ هەنگاوێکی نەناوە بۆ ئامادەکاری بۆ خولەکە.
دواى کۆتایى هاتنى ئەم وەرزە چوار یانە بۆ خولى پلە یەک دادەبەزن و لە وەرزی 2026-2027یش ژمارەى یانەکانى خولى نایاب دەکرێن بە ١٢ یانە.
یارییەکانى هەفتەی یەکەم:
پێنجشەممە 7/11/2024
ئاکرێ × چوارقوڕنە
سەیدسادق × هەولێر
سیروانی نوێ × ئارارات
شەقڵاوە × پێشمەرگەی هەولێر
دەربەندیخان × پیشەسازی
رانیە × برایەتی
شێروانە × هەندرێن
رزگاری × زاخۆ
