وەزارەتی دارایی: لیستی مووچە رادەستی بەغداد کرا

زووم..

وەزارەتی دارایی حکومەتی هەرێم رایگەیاند لیستی مووچەی مانگی 10ـیان رادەستی عێراق کردووە.

وەزارەتی دارایی دەڵێت، ئەمڕۆ یەکشەممە 03-11-2024 نوێنەری وەزارەتەکەیان لیستی مووچەی مانگی 10ـی مووچەخۆران و فەرمانبەرانی هەرێمی رادەستی وەزارەتی دارایی حکومەتی عێراق کرد.

پێشتر رێباز حەملان، یاریدەدەری سەرۆکوەزیرانی هەرێم بە زوومی راگەیاند، کێشەی تەکنیکی نێوان هەولێر و بەغداد لەبارەی مووچەوە لە چەند مانگی داهاتوو چارەسەر دەبێت، بەڵام ئومێد سەباح، سەرۆکی دیوانی ئەنجومەنی وەزیرانی هەرێم لە کۆنگرەیەکی رۆژنامەوانیدا لە هەفتەی رابردوو گوتی: کێشە بۆ مووچەی مانگەکانی داهاتوو دروست دەبێت.

بەگوێرەی وەزارەتی دارایی، حکومەتی هەرێم بۆ دابەشکردنی مووچە پێویستی بە بڕی 996 ملیار دینارە و لە چەند مانگی رابردوو بەغداد ئەم بڕە پارەیەی بە چەند گوژمەیەک رەوانە کردووە.