هاوسەرۆکی دەم پارتی: دەسەڵات دەیەوێت قەیوم بۆ گەورەشارەوانی ئیستەنبوڵ دابنێت

زووم..

هاوسەرۆکی دەم پارتی رایگەیاند: دەسەڵاتی ئاک پارتی سەرەتا قەیومی لەسەر شارەوانییەکانی هەدەپە تاقیکردەوە تا هەنگاو بۆ قەیومی شارەوانییەکانی جەهەپەش بنێت.

بەگوێرەی هەواڵێکی پێگەی ئاڕتی گەرچەک، تولای هاتیمۆغولاری هاوسەرۆکی دەم پارتی رایگەیاندووە قەیوم هەوڵێکی کودەتایە بۆسەر شارەوانییەکانی پارتەکانی دەرەوەی دەسەڵات.

لە درێژەی قسەکانیدا دەڵێت، لە ئێستادا جەهەپە وەک پارتی ئۆپۆزسیۆنی سەرەکی تورکیا بەدەست قەیومەوە دەناڵێنێت، دوور نییە کودەتا بەسەر زۆرینەی شارەوانییەکانی دەستی جەهەپەدا بکرێت رەنگە لە پاش دانانی قەیوم لە شارۆچکەی ئێسە نیورت، قەیوم لەسەر  گەورە شارەوانی ئیستەنبوڵ دابنرێت.