21
زووم..
پارێزگاری وان بۆ ماوەی ١٥ رۆژ قەدەغەی هاتوچۆی لە شارۆچکەی ئەلباکی سەربە وانی باکووری کوردستان راگەیاند.
بەگوێرەی هەواڵێکی ئاژانسی میزۆپۆتامیا بە بڕیاری پارێزگاری وان بۆ جاری دووەم قەدەغەی هاتوچۆ لە شارۆچکەی ئەلباک سەر بە پاریزگای وانی باکووری کوردستان بۆ ماوەی ١٥ رۆژ راگەیەندراوە.
لە راگەیەنراوەکەی پارێزگاری واندا هاتووە لە دووی تشرینی دووەم تاوەکو ١٦ـی تشرینی دووەم، شارۆچکەی ئەلباک بە ناوچەی ئاسایشی تایبەت راگەیەنراوە و چونەدەرەوە و هاتنەناوەوە بۆ شارۆچکەکە بە هەموو جۆرێک قەدەغە کراوە.
لەماوەی رابردوودا لە چەند شارۆچکەیەکی باکووری کوردستان بە مەبەستی ئەنجامدانی ئۆپراسیۆنی سەربازیی قەدەغەی هاتوچۆ راگەیەنراوە.
