35
زووم..
لە هێرشە چەکدارییەکەی ٢٣ی ئەم مانگە بۆ سەر دامەزراوەی پیشەسازیی فڕۆکەوانی لە ئەنقەرە، دوو هێرشبەرەکەی ئەنقەرە ئەندامی هەدەپە و پارتی کرێکاران بوون.
بەگوێرەی هەواڵێکی رۆژنامەی ئەکشام، یەکێک لە هێرشبەرەکان ناوی مینە سەڤجین بووە، کە پێشتر لە ٢٠١٥ هاوسەرۆکی ناوەندی هەدەپە بووە لە جۆلەمێرگ.
بەگوێرەی هەواڵەکە ئەو بەرپرسەی هەدەپە لە ساڵی ٢٠١٥ ماوەیەک چۆتە هەرێمی کوردستان و سوریا پاشان گەڕاوەتەوە بۆ تورکیا. هێرشبەرەکەی دیکەشیان ناوی عەلی ئۆرەک بووە و لەنێو پارتی کرێکارانی کوردستان راهێنانی هێزی تایبەتی پێکراوە.
ئەمە لەکاتێکدایە هێشتا پارتی کرێکاران هیچ روونکردنەوەیەکی لەسەر هێرشەکە نەداوە و کەجەکەش دەڵێت، ئەگەر ئەو هێرشە لەلایەن ئێمەوە کرابێت روونکردنەوە دەدەین.
