43
زووم..
ئاکام فەهمی زوومی بەغداد لە سەرچاوەیەکی ئاگادارەوە گواستییەوە، وەزارەتی دارایی عێراق دەستی بەتەمویلی مووچەی مانگی 10ـی وەزارەتەکانی عێراق کردووە، زانیاریی نوێش لەبارەی ناردنی مووچەی مانگی 10ـی هەرێم ئاشکرادەکات.
بە گوێرەی زانیارییەکان، کە زوومی بەغداد لە سەرچاوەکەوە گواستوویەتییەوە، بریارە سەرەتای هەفتەی داهاتوو لیستی مووچەی مانگی 10ـی مووچەخۆرانی هەرێم رەوانەی بەغداد بکرێت.
ئەو سەرچاوەیە بۆ زوومی بەغداد ئاشکراشیکردووە، کە ئەگەر لیستەکە کێشەی تێدا نەبوو لەکۆتایی هەفتەی داهاتوو مووچەی مانگی 10ـی هەرێم رەوانە دەکرێت.
ئەمە لەکاتێکدایە، چەند رۆژێکە وەزارەتی دارایی هەرێم دەستی بە دابەشکردنی مووچەی مانگی نۆ کردووە و بڕیارە سبەی پێنج شەممەش، کۆتایی بە دابەشکردنی مووچەی ئەو مانگە بهێنرێت.
