29
زووم..
سوپای ئیسرائیل بەردەوامە لە هێرشەکانی بۆ سەر بارەگاکانی حزبوڵای لوبنانی و نزیک فڕۆکەخانەی بەیروتی بۆردومانکرد لە بەرامبەریشدا حزبوڵا خستنە خوارەوەی درۆنێکی ئیسرائیلی راگەیاند.
بە گوێرەی ئاژانسی فرانس پرێس، فڕۆکە جەنگییەکانی ئیسرائیل دوو هێرشی ئاسمانیان کردوەتە سەر پێگەیەکی حزبوڵا لە نزیک فڕۆکەخانەی بەیروت ،کە یەکێکیان دامەزراوەی قەرزی حەسەنە.
دەشڵێت، ئیسرائیل لە یەک رۆژدا ١١ جار زاحیەی بەیروتی بۆردومانکردووە و ٥٠ گوند و شارۆچکەی لە باشوری لوبنان بە ئامانج گرتووە.
لەلایەکی دیکەوە حزبوڵا رایگەیاند، فڕۆکەیەکی بێفڕۆکەوانی ئیسرائیلیان لە جۆری هورمز ٩٠٠ خستووەتە خوارەوە، بەبێ ئەوەی زانیاری نوێ ئاشکرابکەن.
حزبوڵا لە راگەیەندراوێکی دیکەدا ئاماژەی بەوەکردووە، بە مووشەک چەندین پێگەی ئیسرائیلیان لە ئۆدۆم و کریان شمونە و مالکیە بە ئامانج گرتووە.
