17
زووم..
بەگوێرەی ئامارەکانی ئاژانسی پلاندانانی ئیستەنبوڵ، لە شارەکە ٧٨٤ هەزار کەس قەرزاری بانقەکانن، بەهۆی گرانیی و هەژارییەوە ناتوانن قەرزەکانیان بدەنەوە بە بانقەکان.
بەگوێرەی هەواڵێکی رۆژنامەی قەرار، لە ئیستەنبوڵ لە سێ کەس یەکیان قەرزاری بانقە و ناتوانێت قەرزەکەی بداتەوە، بەو هۆیەشەوە ئەو کەسانەی قەرزاری بانقەکانن لەژێر چاودێری یاسایی دەوڵەتدان.
ئاماری ئاژانسەکە بە تەنها لە ئیستەنبوڵ ٧٨٤ هەزار کەس دەگرێتەوە کە ناتوانن قەرزی بانق بدەنەوە و بەم ئامارە لە ١٦ ملیۆن سەرژمێری ئیستەنبوڵ سەدا ٣٦ی ئیستەنبوڵییەکان قەرزاری بانقەکانن و ناتوانن قەرزەکانیان بدەنەوە.
لە درێژەی هەواڵەکەدا هاتووە سەدا ٩ی ئەوانەی قەرزاری بانق بوون هیچ بڕە پارەیەکیان نەداوەتەوە و سەدا ٤٤ی قەرزارەکانیش تەواوی قەرزەکانیان بە بانقەکان داوەتەوە.
