پێشبینی بەفربارین لە زنجیرە چیاکانی ئەلبۆرزی ئێران دەکرێت

زووم..

پێشبینی دەکرێت لەمڕۆوە شەپۆلێکی بەفربارین ناوەڕاستی ئەلبۆرزی نزیک شاری تاران دەگرێتەوە.

رۆژنامەی ئەبرار لە زاری فەریبا گودەرزی، شارەزای رێکخراوی کەشناسیی ئێران دەڵێت، شەپۆلێکی باوبۆران و بەفر باکووری ئێران، ئەلبۆرز و تاران دەگرێتەوە.

شارەزاکە پێشبینیشی کردووە بارانی بەخوڕ رۆژهەڵات و باکووری پارێزگای سنە دەگرێتەوە، هەروەها ئەگەری هەیە باران لە پارێزگای ورمێش ببارێت.

فەریبا گودەرزی پێشبینیشی کردووە لەوەی لە چوار رۆژی داهاتوودا بای بەهێز و خۆڵبارین هەندێک ناوچەی ئێران دەگرێتەوە، لەنێویشیاندا پارێزگای ورمێی رۆژهەڵاتی کوردستان.