باخەکانی دارخورما لە عێراق هەڕەشەی لەناوچوونیان لەسەرە

زووم..

باخەکانی دارخورما کە بە شادەماری ئابووری عێراق لە بواری کشتوکاڵ دادەنرێن، بەهۆی پشتگوێخستنەوە هەڕەشەی لەناوچوونیان لەسەرە.

محەمەد مەندەلاوی، بەڕێوەبەری راگەیاندنی وەزارەتی کشتوکاڵی عێراق دەڵێت، زۆرێک لە باخەکانی دارخورما لە دیالە و بەسرە تووشی جۆرە مێرووییەک بوون، کە سەرەتا لە ساڵی ٢٠١٦ لە بەسرە تێبینی کرا و ئێستاش گەیشتووەتە دیالە.

مەندەلاوی دەشڵێت، بەڕێوەبەرایەتیی کشتوکاڵ رێکاری تەندروستیی پێویست دەگرێتەبەر بۆ چارەسەرکردنی ئەو دارخورمایانەی تووشی ئەو جۆرە مێرووە بوون.

ئەو کەسانەی کە بەشێوەیەکی راستەوخۆ بۆ دەستکەوتنی داهات پشت بەم کەرتە دەبەستن، بڵاوبوونەوەی ئەو نەخۆشییە کاریگەریی زۆری لەسەر گوزەرانیان داناوە و لایەنە حکومییەکانیش بەڵێنی چارەسەرکردنی دەدەن.