26
زووم..
ئیسرائیل بۆ یەکەمجار بە فەرمیی لەسەر رووداوی تەقینەوەی پەیجەرەکانی حزبوڵای لوبنان هاتە دەنگ و لەزاری سەرۆکی ئەو ووڵاتەوە دەڵێن، ئیسرائیل هیچ پەیوەندییەکی بە تەقاندنەوەی پەیجەرەکانەوە نییە.
ئیسحاق هیرتزۆگ، لە چاوپێکەوتنێکیدا لەگەڵ سکای نیوزی بەریتانی، دەڵێت، ئیسرائیل بە هیچ شێوەیەک ناخوازێت لەگەڵ لوبنان بچێتە نێو جەنگەوە، تەلئەبیبیش دوور و نزیک هیچ پەیوەندییەکی بە تەقاندنەوەی ئامیرە پەیوەندییەکانی پەیجەرەوە نییە.
لەو چاوپێکەوتنەیدا هێرتزۆک دەڵێت، لوبنان لەلایەن حزبوڵاوە رفێندراوە، بۆیە هاوپەیمانەکانی ئیسرائیل لەو ململانێیە هاوشانی ئێمە راوەستاون.
لە دوارۆژەکانی هەفتەی رابردوودا بەهۆی تەقینەوەی زیاتر لە سێ هەزار و هەشت سەد ئامێری پەیوەندی جۆری پەیجەر و ئەلوتۆکی، ٣٧ کەس لە لوبنان کوژران و زیاتر لە سێ هەزار کەسی دیکەش برینداربوون.
