زووم..
کامالا هاریس، کاندیدی دیموکراتەکان بۆ پۆستی سەرۆکایەتی ئەمریکا ئاڵنگاری دۆناڵد ترەمپی کاندیدی کۆمارییەکان دەکات بۆ ئەنجامدانی دیبەتێکی دیکەی هەڵبژاردن.
بە گوێرەی هەواڵێکی ئاژانسی فرانس پرێس، کامالا هاریس پێشنیازی بۆ ترەمپ کردووە، رۆژی 23ـی مانگی داهاتوو دیبەیتەکە ئەنجامبدەن.
تیمی بانگەشەی کامالا هاریس لە راگەیەنراوێکدا جەختیان لەوە کردووەتەوە، کامالا ئامادەیە جارێکیتر لە دیبەیتی هەڵبژاردنی سەرۆکایەتیدا رووبەڕووی دۆناڵد ترەمپ ببێتەوە.
ئەوەش لە کاتێکدایە، رۆژی 11ـی ئەم مانگە یەکەم دیبەیتی سەرۆکایەتی لەنێوان کامالا و ترەمپ بەڕێوەچوو، تیایدا هەردوو کاندیدەکە تێڕوانین و پلانەکانی خۆیان بۆ داهاتووی ئەمریکا خستەڕوو.
نرخی پێداویستییەکانی رۆژانە و هەڵاوسانی ئابووری لە ئەمریکا و پرسی پەنابەرانی نایاسایی و سیاسەتی دەرەوەی وڵاتەکە گرنگترین بابەتەکانی دیبەیتەکەی نێوان کامالا هاریس و دۆناڵد ترەمپ بوون.
