24
زووم..
لە چەند مانگی کۆتایی ساڵی 2023 لەسەر کێشەکانی پەیوەندیدار بە میرات و دابەشکردنی موڵکی خێزانی، لە عێراق زۆرترین هاووڵاتی کوژراون.
رۆژنامەی مەدا بەپشتبەستن بە راپۆرتە ناوخۆییەکان ئاماژەی بەوە کردووە، لە چەند مانگی کۆتایی ساڵی 2023، عێراق لەڕووی حاڵەتەکانی کوشتن لەسەر میرات لەسەر ئاستی جیهان پلەی هەشتەمی هەبووە و لەسەر ئاستی کیشوەری ئاسیا پلەی دووەم.
لەوبارەیەوە هادی عەقیلی، شارەزای یاسایی و ئاینی عێراقی دەڵێت، نەبوونی یاسا وایکردووە ئەو کێشانە بەشێوەی رێککەوتنی عەشایەری چارەسەر بکرێن، ئەمەش رۆڵی گەورەی هەیە لە زیادبوونی رێژەی کوشتن لەسەر کەیسەکانی میرات.
عەقیلی دەشڵێت، پێویستە پەرلەمانی عێراق بەخێرایی چارەسەرێک بۆ ئەم دیاردەیە بدۆزێتەوە.
