ستیفانۆ پیۆلى جێگەى لویس کاسترۆ لە یانەى نەسر دەگرێتەوە

ستیفان پیۆلى دەبێت بە ڕاهێنەرى نەسر و گرێبەستەکەشى بۆ دوو ساڵە و بژاردەى نوێکردنەوەشى هەیە.

دواى دوورخستنەوەى لویس کاسترۆى پورتوگالى لە پۆستى ڕاهێنەرایەتى یانەى نەسرى سعودى، زۆربەى ڕۆژنامە سعودى و بیانیەکان ئاماژە بەوەدەکەن، ستیفانۆ پیۆلى ئیتاڵى دەبێت بە ڕاهێنەرى یانە سعودیەکە.

ڕۆژنامەى ئەلڕیازییەى سعودى بڵاویکردەوە، نەسر لەگەڵ پیۆلى گەیشتووەتە ڕێککەوتن و ماوەى گرێبەستەکەى نێوانیشیان بۆ دوو ساڵە و بژاردەى نوێکردنەوەى بۆ ساڵێکى تر هەیە.

باسى لەوەشکردووە، فێرناندۆ هیرۆى بەڕێوەبەرى وەرزشى نەسر سێشەممە لەگەڵ پیۆلى کۆبووەتەوە و وردەکارى گرێبەستەکە و کاروبارەکانى بۆ ڕوونکردووەتەوە.

ڕۆژنامەکە دووپاتیکردووەتەوە، ئەمڕۆ ڕاهێنەرە ئیتاڵیەکە دەگاتە ریازى پایتەختى سعودیە، بۆ دەستپێکردنى کارەکەى لەگەڵ یانە زەردپۆشەکە.