زووم…
ئەمڕۆ شاندێکی وەزارەتی دارایی هەرێمی کوردستان سەردانی بەغداد دەکات و لەگەڵ وەزارەتی دارایی عێراق کۆدەبێتەوە، هەر ئەمڕۆش لیستی مووچەی مانگی هەشت و نۆی مووچەخۆرانی هەرێمی کوردستان رەوانەی بەغداد دەکرێت.
بەگوێرەی زانیارییەکانی زووم، ئێوارەی ئەمڕۆ شاندێکی تەکنیکیی وەزارەتی دارایی هەرێمی کوردستان سەردانی بەغداد دەکات و سبەی سێشەممە لەگەڵ وەزارەتی دارایی کۆدەبنەوە سەبارەت بە هاوتاکردنی مووچەی خانەنشینانی هەرێمی کوردستان و ئەو کێشانەی تائێستا چارەسەرنەکراون.
هاوکات هەر ئەمڕۆ وەزارەتی دارایی هەرێمی کوردستان لیستی مووچەی مانگی هەشت و نۆی مووچەخۆرانی هەرێم رەوانەی بەغداد دەکات.
زووم ئەوەشی زانیوە، هەفتەی داهاتوو، شاندێکی باڵای هەرێمی کوردستان سەردانی بەغداد دەکەن و دەیانەوێت سەرجەم گرفتەکان لەم سێ مانگەدا چارەسەر بکرێن و بەربەست بۆ مووچە لە ساڵی داهاتووەوە نەمێنێت.
