لە بەغداد دوو موشەک لە نزیک بنکەیەکی هێزەکانی ئەمریکا کەوتەخوارەوە

زووم..

زوومی بەغداد دەڵێت، دوو مووشەک لە نزیک هێزەکانی ئەمریکا لە بنکەی نەسر لە نزیک فڕۆکەخانەی بەغداد کەوتەخوارەوە و کارمەندێکی دژەتیرۆری عێراق بریندارە.

درەنگی شەوی رابردوو موشەکەکە کەوتووەتەخوارەوە، بەرپرسێکی ئەمنی بە  ئاژانسی فرانس پرێسی گوتووە دوو موشەکەکە لە جۆری کاتیۆشا بوون، یەکەمیان لە سیاجی دژە تیرۆر و دووەمیشیان لەنێو بنکەیەکی هێزەکانی ئەمریکا بووە.

تەحسین خەفاجی، سەرۆکی خانەی راگەیاندنی ئەمنی لە پۆستێکیدا کە لە پلاتفۆڕمی ئێکس بڵاوی کردووەتەوە، دەڵێت، گەشتەکانی فڕۆکەخانەی بەغداد ئاساییە و هیچ گەشتێک رانەگیراوە.

گوتی، هێرشکردنە سەر فڕۆکەخانەی بەغداد لەم کاتەدا دەستێکە و ئامانجی دروستکردنی ژاوەژاوە لە کاتی هاتنی سەرۆککۆماری ئێران.