زووم..
جێگری کاروباری گشتیی شارەوانییەکانی ئێران رایگەیاند، رووبەری سەوزایی سنە نیوەی قەبارەی تێکڕای سەوزایی ئێرانە و دەڵێت، رووبەری سەوزایی شار بۆ هەر تاکێک لە ئێراندا گەیشتووەتە ١٢ مەتر چوارگۆشە، لەکاتێکدا ستانداردی جیهانی ٢٥ مەتر چوارگۆشەیە.
عەلی نوزەرپوور بە ئاژانسی تەسنیمی گوتووە، پارێزگای سنە لە رووی سەوزاییەوە لە دۆخێکی باشدا نییە، بەجۆرێک رووبەری سەوزایی بۆ هەر تاکێک پێنج مەتر چوارگۆشە بۆ باخچەکانی نێو شار و دوو مەتر چوارگۆشە بۆ باخچە گشتییەکانه.
لەلایکەی دیکەوە ئەنوەر رەشیدی، سەرۆکی شارەوانیی سنە بە تەسنیمی گوتووە، تا کۆتایی ئەمساڵ ٦٠ هێکتار رووبەری سەوزایی بۆ شارەکە زیاد دەکەن.
ناوبراو گوتووشیەتی، دروستکردنی پارکێکی چوار هێکتاری لە سنە دەستیپێکردووە، هۆڵی شانۆیەکی کراوە و تاڤگەیەکی دەستکرد لەخۆدەگرێت و چەند پرۆژەی دیکەش لە قۆناغی دروستکردندان.
