لە هەفتەیەکدا لە ئێران 314 کەس بە رووداوی هاتوچۆ گیانیانلەدەستدا

زووم..

بەرپرسی پۆلیسی هاتوچۆی ئێران رایگەیاند، لە هەفتەی رابردوودا ٣١٤ کەس بەهۆی رووداوی سەختی هاتوچۆ گیانیان لەدەستداوە، هەشت هەزار و ١٥٦ کەسی دیکەش برینداربوون.

تەیمور حوسێنی، بەرپرسی پۆلیسی هاتوچۆی ئێران گرنگترین هۆکاری زۆربوونی رووداوەکانی هاتوچۆی گەڕاندوەتەوە بۆ بەرزبوونەوەی ژمارەی گەشتەکانی کۆتایی هاوین.

رێکخراوی پزیشکی دادوەریی ئێرانیش دەڵێت، ساڵی رابردوو لانیکەم ٢٠ هەزار حاڵەتی گیانلەدەستدان لە رووداوەکانی هاتوچۆ تۆمار کراون، لانیکەم  ٢٦٠ هەزار کەسیش بریندار بوون.

خراپیی رێگاوبانەکانی ئێران و نزمیی کوالیتیی ئۆتۆمبێلەکان کاریگەرییان لەسەر بەرزبوونەوەی ژمارەی قوربانیان هەیە.