23
زووم..
وەزارەتی دەرەوەی ئەمریکا رایگەیاند، ئەم هەفتەیە ئەنتۆنی بلینکن، وەزیری دەرەوەی ئەمریکا بۆ تاوتوێکردنی دۆسیەکانی رۆژهەڵاتی ناوەڕاست و ئۆکراین سەردانی بەریتانیا دەکات.
بەگوێرەی راگەیەندراوی وەزارەتی دەرەوەی ئەمریکا، بلینکن رۆژانی دووشەممە و سێشەممە لە لەندەن دەبێت، بەمەش دەبێتە یەکەم بەرپرسی باڵای ئەمریکا لەدوای دەستبەکاربوونی کیەر ستامەر، سەرۆکوەزیرانی نوێی بەریتانیا، سەردانی وڵاتەکە بکات.
لە راگەیەندراوەکەدا هاتووە، ئامانجی سەرەکیی سەردانەکە تاوتوێکردنی قەیرانەکانی ئاسیا، رۆژهەڵاتی ناوەڕاست و ئۆکراینە.
لەلایەکی دیکەوە، کۆشکی سپی رایگەیاند، رۆژی ١٣ـی ئەم مانگە، جۆ بایدن، سەرۆکی ئەمریکا چاوی بە ستامەر دەکەوێت، ئەمەش دەبێتە دووەم سەردانی ستامەر بۆ واشنتن لە دوای هەڵبژاردنییەوە.
