وەزارەتی دارایی عێراق راگەیەنراوێکی لەبارەی هەوڵەکان بۆ چارەسەری کێشەی مووچە بڵاوکردەوە

زووم..

وەزارەتى دارایی عێراق راگەیەنراوێکى لەبارەى هەوڵەکان بۆ چارەسەرى کێشەى مووچە بڵاوکردەوە و رایگەیاند، سبەی ئەنجومەنی وەزاریی ئابووریی عێراق و حکومەتی هەرێمی کوردستان کۆدەبنەوە.

ئێوارەى ئەمڕۆ شاندى ئەنجومەنى وەزارى حکومەتى عێراق گەیشتنە هەولێر و لەو بارەوە وەزارەتى دارایی عێراق لە راگەیەنراوێک رایگەیاندووە، لە کۆبوونەوەى سبەى بەغداد و هەولێر تاوتوێی پرسە دارایی و ئابوورییەکان دەکەن.

هەروەها رایگەیاندووە، بەغداد و هەولێر گفتوگۆی مافە دەستوورییەکانی هەرێمی کوردستان وتاوتوێ شایستە داراییەکانی هەرێمی کوردستانیش دەکەن.

دارایی عێراق ئەوەشى راگەیاندووە، ئامانجی سەردانەکە بەهێزکردنی هاریکاریی نێوان حکومەتی عێراق و هەرێمی کوردستانە.