دۆناڵد ترەمپ: ئیلۆن مەسک دەکەمە وردبینکاری حکومەتەکەم

زووم..

دۆناڵد ترەمپ: تریلۆنەها دۆلار بۆ گەنجیینەکانی ئەمریکا دەگەڕێنینەوە

دۆناڵد ترەمپ کاندیدی کۆمارییەکان بۆ پۆستی سەرۆکی ئەمریکا رایگەیاند، لە ئەگەری سەرکەوتنی، ئیلۆن مەسک ملیاردێری جیهانی دەکاتە ووردبینکاری ژمێریاری و ئەدای حکومەت، بۆ ئەوەی خەرجی زیادە و پارەدانی نادروست نەهێڵێت.

ترەمپ لەبەردەم ئامادەبووانی یانەی ئابووری لە نیویۆرک گوتی مەسک خۆی پیشنیازی کردووە و لە ئەگەری سەرکەوتنی ئەوا دەیکاتە ووردبینکاری دارایی و ئەدای حکومەت.

بە گوێرەی ئاژانسی هەواڵەکانی فرانس پرێس، ترەمپ ئاماژەی بەوەشکردووە، ئەو هەنگاوە دەبێتە هۆی گەڕاندنەوەی تریلۆنەها دۆلار بۆ گەنجیینەکانی ئەمریکا کە ئێستا بەهۆی خەرجی زیادەوە بەهەدەر دەچێت.

ترەمپ ئەوەشی گوت لیژنەکە پلانێک دادەڕێژێت بۆ ئەوەی لە ماوەی شەش مانگدا بە تەواوی ساختەکاری و پارەدانی نادروست نەهێڵێت.