29
زووم..
پاسەوانی کەناراوەکانی ئیتاڵیا رایگەیاند، لە باشووری رۆژئاوای دوورگەی لامپێدوسا لە باشووری ئیتاڵیا، بەلەمێکی کۆچبەران ژێرئاوکەوتووە، لانیکەم 21 کەس بێسەروشوێنن.
پاسەوانی کەناراوەکانی ئیتاڵیا ژیانی حەوت سەرنشینی بەلەمەکەی رزگارکردووە، بەڵام هێشتا چارەنووسی 21 کەسی دیکەی نێو بەلەمەکە نادیارە.
بەگوێرەی راگەیەندراوی پاسەوانی کەناراوی ئیتاڵیا، ئەو کەسانەی رزگاریان بووە سەرجەمیان هاووڵاتی سوریین.
رزگاربووەکان بە تیمی فریاکەوتنیان گوتووە، بەلەمەکەیان لە رۆژی یەکشەممەوە لە لیبیاوە بەڕێکەوتووە، 28 کەس لەنێو بەلەمەکەدا بوون لە نێویاندا سێ منداڵ هەبووە.
