تورکیا ڤیزەی لەسەر بەشێک لە عێراقییەکان هەڵگرت

زووم..

لەمەودوا هاووڵاتیانى تەمەن خوار 15 ساڵ و سەروو 50 ساڵى عێراقى دەتوانن بەبێ ڤیزە بچنە تورکیا.

ئاژانسى هەواڵى ئەنادۆڵو بڵاویکردە، بڕیاری پەیوەست بە هەڵگرتنی ڤیزە لەسەر ئەو هاووڵاتییە عێراقییانەی تەمەنیان لە خوار 15 ساڵ و سەروو 50 ساڵە، چووە بواری جێبەجێکردنەوە.

بەگوێرەی ئاژانسەکە، سەرۆککۆماری تورکیا بڕیاری لەبارەی هەڵگرتنی ڤیزاکە داوە و لە سەرەتای مانگی داهاتووەوە دەچێتە بواری جێبەجێکردنەوە.

عێراقییەکان لە ماوەی هەر 180 رۆژێکدا، دەتوانن بەمەبەستی گەشتیاری و ترانزێت، 90 رۆژ لە تورکیا بمێننەوە.