لە قامیشلۆ بە درۆنی تورکیا ژنێک و کوڕەکەی گیانیان لەدەستدا

زووم..

تورکیا بە درۆن هێرشیکردە سەر قامیشلۆ و بەهۆیەوە دوو ئەندامی خێزانێک گیانیان لەدەستدا، کە دایک و کوڕن.

لەبارەی هێرشەکەوە زوومی رۆژئاڤا دەڵێت: هێرشە درۆنییەکە لە نزیک نەخۆشخانەی دڵ و چاو ئەنجامدراوە و بەهۆیەوە ژنێک و کوڕەکەی گیانیان لەدەستداوە و ئۆتۆمبێلێکیش سوتاوە.

بەگوێرەی ئامارێکی روانگەی سوریش بۆ مافەکانی مرۆڤ لەسەرەتای ئەمساڵەوە تورکیا ٩٤ هێرشی درۆنی کردوەتە سەر رۆژاڤای کوردستان و بەهۆیەوە ٣١ کەس گیانیان لەدەستداوە و زیاتر لە ٢٧ی ئەندامی هێزە ئەمنیەکانی رۆژاڤا و ١٦ هاووڵاتی بریندار بوون .