57
زووم…
وەزیری تەندروستیی هەرێمی کوردستان رایگەیاند، هەشت حاڵەتی توشبوون بە کۆلێرا لە سلێمانی پشتڕاستکراوەتەوە.
سامان بەرزنجی، وەزیرى تەندروستی بە زوومی گوت: دوای ئەنجامدانی پشکنین لە تاقیگەکانى هەرێمى کوردستان، هەشت حاڵەتى کۆلێرا لە سلێمانى پشتڕاستکراوەتەوە.
وەزیری تەندروستی گوتیشی، بۆ دڵنیابوونەوە لە حاڵەتەکان پشکنینەکان رەوانەى بەغداد کراون و هەر ئەنجامێک لە بەغدادەوە بێتەوە رایدەگەیەنین.
ئەوەش لە کاتێکدایە چەند رۆژی رابردوو د.سەباح هەورامی بەڕێوەبەری تەندروستی سلێمانی رایگەیاند، لە پارێزگای سلێمانی رێژەی تووشبوون بە سکچوون و رشانەوە زۆر زیادی کردووە بە تایبەتی لەنێو سلێمانی، داواشی لە هاووڵاتیان کرد لە ئێستاوە وای دابنێن کۆلێرا بڵاوبووەتەوە.
