48
زووم…
وەزارەتی تەندروستیی فلیپین رایگەیاند، حاڵەتێکی توشبوون بە ئاوڵەی مەیمون لە وڵاتەکەیان تۆمارکراوە و ئەوەی سەیرە کەسەکە گەشتی دەرەوەی وڵاتیشی نەکردووە.
وەزارەتی تەندروستی فلیپین دەڵێت، ئەو کەسەى تووشبووە پیاوێکی 33 ساڵە، زیاتر لە هەفتەیەکە نیشانەکانی هەیە، سەرەتا تای بەرزبووەتەوە و دوای چوار رۆژ نیشانەکانی ئاوڵەی مەیمون لەسەر جەستە و رووخساری دەرکەوتوون، دواى پشکنین دەرکەوتووە توشی ئاوڵەی مەیمون بووە.
لە نیشانە دیارەکانی ئاوڵەی مەیمون سووربوونەوەی پێست و دروستبوونی برینە لەسەر پێست، ئازاری سەر و ئازاری ماسولکەکان و کەمبوونەوەی وزەیە و رەنگە دوو بۆ چوار هەفتە بخایەنێت.
ئەمە دووەم حاڵەتی توشبوون بە ئاوڵەی مەیمونە کە لە کیشوەری ئاسیا تۆمارکرا دوای ئەوەی بۆ یەکەم جار لە پاکستان حاڵەتێکی نەخۆشییەکە تۆمارکرا.
