56
زووم..
لە شەوی رابردووەوە هەوڵی تیمەکان بۆ کوژاندنەوەى ئاگری دارستانەکانى شارۆچکەى کارشییەکای سەربە پارێزگای ئیزمیر بەردەوامە.
بە گوێرەى ئاژانسی ئەنادۆڵو ئاگرەکە شەوی رابردوو کەوتووەتەوە و بەهۆی رەشەباوە تەشەنەی سەندووە.
تائێستا 16 ماڵ سوتاون و 87 خانوو و 45 شوێنی کار چۆڵکراون. بەهۆی ئاگرەکەوە ژمارەیەک گەڕەک چۆڵکران.
ئاگرەکە لە شارۆچکەى کارشییەکاوە دەستیپێکرد و ناوچە دارستانییەکانی قەزای بایراکڵی و چیغلی گرتووەتەوە.
جگە لە تیمەکانی دارستان، شارەوانییەکان، پۆلیس، کارمەندانی ئافاد و هێزەکانی جەندرمە بە ئۆتۆمبێلەکانیان پاڵپشتی هەوڵەکانی ئاگرکوژێنەوە دەکەن.
