زووم…
بەرگریی شارستانیی غەزە رایگەیاند، لە بۆردوومانێکی ئیسرائیل بۆسەر قوتابخانەیەکی غەزە 90 بۆ 100 کەس کوژراون.
مەحمود بەسەل، گوتەبێژی بەرگریی شارستانیی غەزە دەڵێت، بۆردوومانەکە بۆسەر قوتابخانەیەک بووە، کە پەنابەرانی فەلەستینی لەخۆگرتووە و لەڕێی سێ مووشەکەوە ئەنجامدراوە.
نووسینگەی راگەیاندنی حکومی غەزە رایگەیاند، زیاتر لە 100 کەس بەهۆی هێرشەکەی ئیسرائیلەوە گیانیان لەدەستداوە و هێرشەکە لەکاتی ئەنجامدانی نوێژی بەیانی بووە.
ئەم بۆردوومانە دوو رۆژ دوای بۆردوومانەکانی ئیسرائیل بۆسەر دوو قوتابخانەیەکی دیکەی غەزە دێت کە بەهۆیانەوە 18 کەس گیانیان لەدەستدا.
دوای بۆردومانەکە سوپای ئیسرائیل رایگەیاند، بنکەیەکی نهێنی فەرماندەیی حەماسیان بەئامانج گرتووە، بەبێ ئەوەی باسی قوربانییەکان بکات.
زیاتر لە 10 مانگە جەنگی غەزە بەردەوامە و بەهۆیەوە نزیکەی 40 هەزار کەس لە غەزە لە بۆردومانەکانی ئیسرائیل کوژراون
