78
زووم..
سوپای روسیا شارۆچکەیەکی رۆژهەڵاتی ئۆکراینی بۆردومانکرد و بەو هۆیەوە لانیکەم 10 کەس گیانیان لەدەستدا و 35ـى دیکەش برینداربوون.
ئیگۆر کیلمێنکۆ، وەزیری ناوخۆی ئۆکراین لە بڵاوکراوەیەکدا لە تێلێگرام ئاماژەی بەوەکردووە، هێرشەکە سوپەرمارکێتێکی شارۆچکەی کۆستیانتینڤینکای کردووەتە ئامانج و بەو هۆیەوە 10 هاووڵاتی مەدەنی گیانیان لەدەستداوە و 35 هاووڵاتی دیکەش برینداربوون.
ئاژانسی فرانس پرێس دەڵێت، پۆلیسی ناوچەکە هۆشدارییان لە ئەگەری ئەنجامدانی هێرشێکی دیکە بۆ سەر ناوچەکە داوە و داوایان لە خەڵک کردووە ناوچەکە بەجێبهێڵن.
هێرشەکەی روسیا بۆ سەر ئەو شارۆچکەیەی رۆژهەڵاتی ئۆکراین لە کاتێکدایە، سوپای ئۆکراین چەند رۆژێکە هێرشی زەمینی بۆ سەر هەرێمی کورسکی رۆژئاوای روسیا دەستپێکردووە و توانیویەتی نزیکەی ٤٠٠ کیلۆمەتر چوارگۆشە کۆنترۆڵ بکات.
