زووم..
وەزارەتی کشتوکاڵی هەرێمی کوردستان داوای راگرتنی چەند بەرهەمێک لە ئەنجومەنی وەزاری ئابوری عێراق دەکات.
وەزارەتی کشتوکاڵ و سەرچاوەکانی ئاوی حکومەتی هەرێمی کوردستان لە راگەیەندراوێکدا بڵاویکردووەتەوە، بڕیاردراوە نووسراوێک ئاراستەی ئەنجومەنی وەزاری ئابووری عێراق بکرێت بۆ داخستنی مەرزەکان بەڕووی هاوردەکردنی چەند بەروبوومێک لە ناوەڕاست و خوارووی عێراقەوە تا جوتیارانی هەرێمی کوردستان زەرەرمەند نەبن.
بە گوێرەی راگەیەندراوەکەی وەزارەتی کشتوکاڵ، نووسراوەکە بۆ راگرتنی هاوردەکردنی بەرهەمەکانی شوتی و کاڵەک و خەیار و پیازە.
ئەم بڕیارە دوای کۆبوونەوەی وەزیری کشتوکاڵ دێت لەگەڵ بەشێک لە جوتیارانی سنوری قەزای پێنجوێن سەبارەت بە چارەسەرکردنی کێشە و گرفتەکانی بە بازاڕکردنی بەروبومەکانیان، کە خاوەنی کوالێتییەکی بەرزن و توانای دابینکردنی پێویستیەکانی بازاڕی ناوخۆیان هەیە.
