زووم..
حزبوڵای لوبنان رایگەیاند، بە چەند فڕۆکەیەکی بێفڕۆکەوان هێرشیان کردە سەر بارەگایەکی سەربازیی ئیسرائیل، بەلایەنی کەمەوە سەربازێکیان کوشت و ژمارەیەکی دیکەش بریندار بوون.
حزبوڵا لە راگەیەنراوێکدا دەڵێت، ئەمڕۆ سێشەممە هێرشیان کردووەتە سەر بارەگای فەرماندەیی لیوای غۆلانی سەربازی لە باکووری شارۆچکەی عەکا.
میدیاکانی ئیسرائیلیش هێرشەکەی حزبوڵایان پشتڕاست کردووەتەوە و بڵاویانکردەوە لە ئەنجامی بۆردومانی چەند فڕۆکەی بێفڕۆکەوان، سەربازێک کوژراوە و چەند سەربازێکی دیکەش بریندارن، دۆخی تەندروستیی هەندێکیان ناجێگیرە.
دوای کوژرانی ئیسماعیل هەنیەی بەرپرسی مەکتەبی سیاسیی بزووتنەوەی حەماس لە تاران و محەمەد زەیف و محەمەد جەعبەری لە کەرتی غەزە و فواد شوکر، کەسی دووەمی حزبوڵا لە بەیروت، گرژیی و ململانێکانی نێوان حزبوڵا و ئیسرائیل گەیشتووەتە ئەگەری جەنگ و پێکدادان.
