زووم..
فەرماندەی گشتیی سوپای پاسداران هەڕەشە لە ئیسرائیل دەکات و دەڵێت، وەڵامێکی توندیان دەدەنەوە و بەردەوام هەڵەکردن، ئیسرائیل لەگۆڕ دەنێت.
بەگوێرەی هەواڵێکی ئاژانسی ئیسنا، سەردار حسێن سەلامی، فەرماندەی گشتیی سوپای پاسداران گوتوویەتی، ئیسرائیل گێژەڵووکەی ئاگری بە دەوری خۆیدا دروست کردووە و وادەزانێت بە کوشتنی زانایانی ئەتۆمی و سەرکردەی بزووتنەوە شۆڕشگێڕەکان دەتوانێت رێگری لە نەتەوەیەک بۆ گەیشتن بە مافەکانی بکات.
سەلامی گوتووشیەتی، ئیسرائیل بە کوشتوبڕ و دروستکردنی قەیرانی ئەمنی، هەوڵی گەیشتن بە ئامانجەکانی و دەستەبەرکردنی مانەوەی خۆی دەدات، بەڵام ئەم کردەوانە ئەنجامێکی پێچەوانەیان لێدەکەوێتەوە و کاتێک وەڵامێکی توندیان وەرگرت، لە قووڵایی هەڵەکانیان تێدەگەن.
هەفتەى رابردوو لە تارانى پایتەختى ئێران ئیسماعیل هەنیە بەرپرسى مەکتەبى سیاسى بزووتنەوەى حەماس کوژرا، کە ئێران ئیسرائیل تۆمەتبار دەکات بە کوشتنى ناوبراو و بەردەوام هەڕەشەى تۆڵەکردنەوەى دەکات.
