دوو پارتی سیاسیی دیکە لە تورکیا داوای هەڵبژاردنی پێشوەختە دەکەن

زووم..

لە کۆبونەوەیەکی نێوان موسەفات دەرویشئۆغڵو سەرۆکی گشتیی ئیی پارتی لەگەڵ فاتیح ئەربەکان سەرۆکی گشتیی پارتی رەفای نوێ رایانگەیاندووە، پارتەکەیان ئامادەکارییەکانیان بۆ هەڵبژاردنی پێشوەختە کردووە.

بەگوێرەی هەواڵێکی رۆژنامەی یەنیچاخ، لە کۆبونەوەیەکی نێوان هەردوو سەرۆکی پارتەکە دەرویشئۆغڵو رایگەیاندووە، ئەگەر پارتە سیاسییەکان ویستی هەڵبژاردنی پێشوەختەیان هەبێت ئەوا ئێمەش لاریمان نییە و ئامادەین بۆ هەڵبژاردن.

فاتیح ئەربەکانیش رایگەیاندووە، دۆخی ئابووری تادێت خراپتر دەبێت، لەبەر ئەوە ئەنجامدانی هەڵبژاردنی پێشوەختە بۆ دەربازبون لەم قەیرانە بە گرنگ دەزانین.

پێشتر چەندینجار ئۆزگور ئۆزال سەرۆکی گشتیی جەهەپە بانگەوازی ئەنجامدانی هەڵبژاردنی پێشوەختەی کردووە.