47
زووم..
رێکخراوی تەندروستیی جیهان دەڵێت، لە وڵاتانی رۆژئاوا ساڵانە ١٧٦ هەزار کەس بەهۆی گەرماوە گیان لەدەستدەدەن.
رێکخراوەکە لە راپۆرتێکدا ئاماژە بۆ ئەوەدەکات، لە کۆی نزیکەی ٤٨٩ هەزار حاڵەتی مردن بەهۆی گەرماوە، کە ساڵانە لەلایەن رێکخراوی تەندروستی جیهانی لە نێوان ساڵانی ٢٠٠٠ بۆ ٢٠١٩ تۆمارکراون، وڵاتانی رۆژئاوا ٣٦%ـی ئەو حاڵەتانەی تۆمارکردووە، کە بە تێکڕا دەکاتە ١٧٦هەزار و ٤٠ حاڵەتی مردن بۆ هەر ساڵێک.
رێکخراوەکە ئاماژەی بەوە کردووە، پلەکانی گەرما لە وڵاتانی رۆژئاوا، کە ٥٣ وڵات لەخۆدەگرێت و چەند وڵاتێکی ئاسیای ناوەڕاستیشیان تێدایە، بە نزیکەی دوو ئەوەندەی رێژەی تێکڕای جیهانی بەرزبوونەتەوە.
