175
زووم..
بەڕێوەبەری دارستان و پاوانی سلێمانی رایگەیاند، سووتانی دارستانەکانی شاخی گۆیژە خەریکە دەبێتە دیاردە.
ئازاد تاریق، بەڕێوەبەری دارستان و پاوانی سلێمانی بە زوومی گوت، بەهۆی ئاگرەکەی شەوی رابردووی شاخی گۆیژەوە نزیكەی حەوت دۆنم پووش و پاوان ســـووتاوە.
گوتیشی، بەهۆی ئاگرەکەوە ژمارەیەكی زۆر لە داری سنەوبەر زیانی بەركەوتـــووە و سووتاون.
لەم هەفتیەدا، ئەوە چوارەم جارە ئاگر لە شاخی گۆیژە و ئەزمەڕ کەوتووەتەوە.
بەرەبەیانی دووشەممەی رابردوو، ئاگرێکی دیکە لە هەمان شاخ کەوتەوە و بەهۆیەوە ٢٠٠ دۆنم پوش و پاوان و نزیکەی ٣٠ هەزار دار و نەمام سووتان.
