49
زووم..
فەرماندەی سوپای پیرانشاری رۆژهەڵاتی کوردستان رایگەیاند، بە چاودێریی فەرمانگەی ئیتڵاعات زیاتر لە دوو هەزار مەڕی قاچاخ دەستیان بەسەردا گیراوە.
ئاژانسی مێهر بڵاویکردەوە، جەلیل نەخشی، فەرماندەی سوپای پیرانشاری رۆژهەڵاتی کوردستان گوتوویەتی، هاوکات دەستیان گرتووە بەسەر 250 ئەسپ و شەش هەزار و 500 بوتڵ خواردنەوە کحولیەکان لە سنوورەکانی پیرانشار لەگەڵ هەرێمی کوردستان.
هەروەها، پەرویز بێستانچی، جێگری سەرۆکی بەرهەمی ئاژەڵی رێکخراوی کشتوکاڵی پارێزگای ورمێ لەبارەی دەرئەنجامەکانی قاچاخچێتیی ئاژەڵەوە گوتی، پێویستە هەوڵەکان بۆ بەرەنگاربوونەوەی بەقاچاخ هێنان و بردنی ئاژەڵ چڕ بکرێتەوە و چاودێریی زیاتر بکرێت.
پارێزگای ورمێ زیاتر لە 100 کیلۆمەتر سنووری هاوبەشی لەگەڵ هەرێمی کوردستان هەیە.
