هەوڵەکان بۆ کوژاندنەوەی ئاگر لە دارستانەکانی ئەدەنە بەردەوامە

زووم..

بەرەبەیانی ئەمڕۆ ئاگر لە دارستانەکانی شارۆچکەی کۆزان سەربە پارێزگای ئەدەنە کەوتەوە و تائێستا ئاگرەکە کۆنتڕۆڵ نەکراوە.

بە گوێرەی هەواڵێکی ئاژانسی ئەنادۆڵو، تیمەکانی ئاگرکوژێنەوە بە رێگەی وشکانیی و ئاسمانیی هەوڵەکانیان بۆ کوژاندنەوەی ئاگرەکە بەردەواممە.

لە درێژەی هەواڵەکەدا هاتووە بەڕێوەبەرایەتی دارستانی ناوچەکە بە سێ هەلیکۆپتەر، دوو فڕۆکە، ٥٠ ئۆتومبێلی ئاگرکوژێنەوە ژمارەیەکی زۆری کارمەندی ئاگرکوژێنەوە بەشداری لە کوژانەوەی ئاگرەکە دەکەن.

ئاماژە بەوەشکراوە تائێستا هۆکاری کەوتنەوەی ئاگرەکە نەزانراوە، بەهۆی زۆری ئاگرەکەشەوە، زۆرێک لە ماڵەکانی نزیک لە شارۆچکەکە چۆڵ کراون.