163
زووم..
بەرەبەیانی ئەمڕۆ ئاگرێکی گەورە لە شاخی گۆیژە لە سلێمانی کەوتەوە و زیانێکی زۆری بە دار و درەختی شاخەکە گەیاند.
هێمن كەمەرخان، گوتەبێژی پۆلیسی دارستانی سلێمانی بە زوومی راگەیاند، نزیكەی 200 دۆنم پوش و پاوان و دارستان لە چیاکە سووتاون.
زوومی سلێمانی رایگەیاند، ئاگرەکە لە دەوروبەری کاتژمێر سێی بەرەبەیان کەوتووەتەوە، بوونی رەشەبایەکی بەهێز هۆکاری سەرەکیی تەشەنەسەندنی ئاگرەکە بووە.
هەرزوو تیمەکانی ئاگرکوژێنەوە و چەند خۆبەخشێک هەوڵی کوژاندنەوەیان دا و تاوەکو کاتژمێر حەوتی بەیانی ئاگرەکە کۆنتڕۆڵکرا.
زوومی سلێمانی گوتیشی، بەشێکی زۆری ئەو دار سنەوبەر و بەڕووانەی سوتاون لە ساڵی 2019 دا نێژراون لە هەڵمەتێکدا بۆ سەوزکردنی شاخەکە.
تائێستا لایەنی پەیوەندیدار هۆکار و سەرچاوەی ئاگرەکەی ئاشکرانەکردووە.
