زووم..

بتڵێکی گەورەی کلۆری شل لە کارگەیەکی توانەوەی کانزاکان لە ناوچەى زەورا لە رۆژهەڵاتی بەغداد تەقیەوە و بەهۆیەوە چەندین کەس تووشی خنکان هاتن.

فەرماندەیی ئۆپەراسیۆنەکانی بەغداد راگەیەنراوێکى لەوبارەیەوە بڵاوکردەوە و دەڵێت، کاتژمێر شەشی ئیوارەى ئەمڕۆ زانیارییان پێگەیشتووە کە بەهۆی تەقینەوەى بتڵێکى گەورەى گازی کلۆرەوە  لە رۆژهەڵاتی بەغداد، چەند حاڵەتێکى خنکان و برینداربوون تۆمارکراون.

دەشڵێت، بۆیان دەرکەوتووە رووداوەکە بەهۆی تەقینی بوتڵیکى گەورەى کلۆری شلەوە بووە.

فەرماندەییەکە نووسیوشیەتى، رووداوەکە بووەتەهۆی خنکاندنی ژمارەیەک هاووڵاتی و گواستراونەتەوە بۆ نەخۆشخانە و دۆخی هەندیکیان جێگیرە.

ئاماژەی بەوەشکردووە، هێشتا ئاماری قوربانییان و وردەکاریی رووداوەکە بەردەست نین و دواتر بڵاوی دەکەنەوە.