قایمقامى ماوەت: ئاگرەکەى گوندى گەڵاڵە کە بەهۆی بۆردومانی تورکیا کەوتووەتەوە کۆنترۆڵ نەکراوە

زووم…

قایمقامى قەزاى ماوەت رایگەیاند، بەهۆى بۆردومانى فڕۆکە جەنگییەکانى تورکیاوە ئاگر لە سنوورى گوندى گەڵاڵە کەوتووەتەوە.

کامەران حەسەن، قایمقامى قەزاى ماوەت لەوبارەیەوە بە زوومى گوت: هێشتا ئاگرەکەى گوندى گەڵاڵە کۆنترۆڵ نەکراوە و بەوهۆیەوە زیانێکى زۆر بە رەز و باخى هاووڵاتیانى ناوچەکە گەیشتووە.

گوتیشى، ئاگرەکە سنوورى گوندەکانى گوڵاڵە و خەزێنەى گرتووەتەوە و هاووڵاتیانى ناوچەکە لە هەوڵى کوژاندنەوە و کۆنترۆڵکردنى ئاگرەکەدان.

هاوکات، هاووڵاتیانى گوندى گەڵاڵە داواى بەهاناوەچوونیان لە خزم و دۆستەکانیان کردووە بۆ کۆنتڕۆڵکردنى ئاگرەکە.