زووم..

پرۆژەى دانانى کامێراى خاڵ بۆ خاڵ لە پارێزگاى سلێمانى دەستیپێکردەوە و ئەمڕۆ دانانى کامێراکان لەسەر رێگاى سلێمانى بۆ چەمچەماڵ کەوتەبوارى جێبەجێکردنەوە.

عەمید ئاسۆ محەمەد، بەڕێوەبەرى هاتوچۆى سلێمانى لە بەرنامەى مێزى سەرنووسەرى کەناڵى زووم کە سبەى شەو کاتژمێر 10 پەخش دەکرێت، دەستپێکردنەوەى پرۆژەکەى راگەیاند.

بەگوێرەى گرێبەستێکى وەزارەتى ناوخۆى حکومەتى هەرێمى کوردستان لەگەڵ کۆمپانیایەکى کەرتى تایبەت، سیستمى کامێراى خاڵ بۆ خاڵ بە تێچووى 53 ملیار دینار لە شەقامە سەرەکییەکان دادەنرێت، پێشتر سیستمەکە لە رێگاى تاسڵوجە بۆ سلێمانى و ژمارەیەک لە شەقامەکانى هەولێر دانراوە.