111
زووم..
ئاژانسی هەواڵی مێهر رایگەیاند، تۆمەتبارێکی هێرشە چەکدارییەکەی هەفتەی رابرووی شاری سەقز کوژراو و دوو تۆمەتباریش دەستگیرکران.
ئاژانسەکە، لە زاری جەعفەر تەوان، قایمقامی شاری سەقز رایگەیاند، سەرلەبەیانیی ئەمڕۆ پێکدادان لەنێوان هێزە ئەمنییەکانی بانە و بکوژانی شێخ ئازاد شەهابی روویداوە، لە رووبەڕووبوونەوەکەدا یەکێک لە تۆمەتبارەکان کوژرا و دووانی دیکەش دەستگیرکران.
قایمقامی سەقز گوتوویەتی، تۆمەتبارە دەستگیرکراوەکان خەڵکی شاری بانەن، بەڵام وردەکاریی زیاتری لەسەر ناسنامە و هۆکاری هێرشەکەیان بڵاونەکردەوە.
نزیکەی کاتژمێر یەکی بەرەبەیانی پێنجشەممە، هێرشێکی چەکداری لە گەڕەکی گردی ماڵانی سەقز و لە خانەقای شێخ ئازاد شەهابی ئەنجامدرا، دوو دەروێش کوژران و شێخ ئازاد شەهابی بریندار کرا، بەڵام دوای گواستنەوەی بۆ نەخۆشخانە گیانی لەدەستدا.
