62
زووم..
گوتەبێژى بەرگریى شارستانیى سۆران رایگەیاند، تەرمى ئەو هاووڵاتییەى لە رووباری گەلى عەلى بەگ خنکا دۆزرایەوە.
کاروان میراودەلى، بەڕێوەبەرى بەرگریى شارستانیى سۆران بە زوومى گوت، ئێوارەى رۆژى چوارشەممە هاووڵاتییەکى بە نەتەوە تورکمان خەڵکى قەزاى کفرى دانیشتووى شارى هەولێر، لەگەڵ چوار هاوڕێى بە مەبەستى گەشتکردن چوونەتە ناوچەى گەشتیاریى گەلى عەلى بەگ و لە کاتى مەلەکردندا خنکاوە.
گوتیشى، ئەمڕۆ تەرمى هاووڵاتییەکە دۆزرایەوە و ناوى زیاد عەبدولقادرە و تەمەنی 49 ساڵ بووە.
بەڕێوەبەرى بەرگریی شارستانیی سۆران دەشڵێت، تەرمى هاووڵاتییەکە گوازرەوتەوە بۆ پزیشکى دادوەرى و دواتر رادەستى کەسوکارى دەکرێتەوە.
