لە ناوچەی پیشەسازی سلێمانی ئاگر لە کارگەیەکی دارتاشی کەوتەوە

زووم..

ئاگرەکە زیانێکی زۆری مادی لێکەوتەوە و ئۆتۆمبێلێکیش سوتا

زوومى سلێمانى گواستیەوە، بەرەبەیانی ئەمڕۆ ئاگر لە کارگەیەکى دارتاشى لە ناوچەى یەکى پیشەسازى کەوتەوە و بەهۆى ئاگرەکەوە زیانێکى زۆرى مادى لە کارگەکە کەوتەوە.

شایەتحاڵەکان، لە شوێنى رووداوەکە بە زوومیان گوت، ئاگرەکە بە هۆى شۆرتى کارەباوە بووە، کارگەکە بڕێکى زۆر تەختە و دارى تێدابووە و بە تەواوى سوتاون لەگەڵ ئۆتۆمبێلێکدا.

هاوکات، تیمەکانى ئاگرکوژێنەوەى سلێمانى گەیشتنە شوێنى رووداوەکە و پاش دوو کاتژمێر توانیان ئاگرەکە کۆنترۆڵ بکەن.