زووم..

سەرچاوەیەک لە وەزارەتى دارایى هەرێمى کوردستان بە زوومی رایگەیاند، ئەو کێشەیەى لە لیستى مووچەى سەرۆکایەتى پەرلەمان و وەزارەتى کارەبادا هەبوو چارەسەرکراوە و هەفتەى داهاتوو پارەکەیان دەخرێتەسەر هەژمارى بانکى حکومەتى هەرێم و راستەوخۆ دەست بە دابەشکردنى دەکرێت.

ئەو سەرچاوەیە گوتیشى، لیستى مووچەى مانگى حەوتى فەرمانبەرانیان ئامادە کردووە و سەرەتاى هەفتەى داهاتوو رەوانەى بەغدادی دەکەن.

باسى لەوەشکرد، تا ئێستا وردبینى لە لیستى مووچەى فەرمانبەرانى هەرێمی کوردستان لەلایەن وەزارەتى دارایى عێراقەوە بەردەوامە.