87
زووم..
جۆ بایدن، سەرۆکی ئەمریکا لە چاوپێکەوتنێکدا لەگەڵ کەناڵی ئەی بی سی نیوزی ئەمریکی گوتی، کەس لە خۆی شیاوتر نییە بۆ بردنەوە لە هەڵبژاردنی سەرۆکایەتیی وڵاتەکەیدا.
لە دوای دیبەیتە مشتومڕهەڵگرەکەی لەگەڵ ترەمپی رکابەری، بایدن دووچاری فشارێکی زۆر هات و کەسانێک بە خەڵەفاو وەسفیان کرد.
بایدن بە کەناڵە ئەمریکییەکەی گوتووە، هەموو رۆژێک تاقیکردنەوەی درک و توانای تێگەیشتنی بۆ دەکرێت، ئەو تەنها بانگەشە ناکات، بەڵکو سەرکردایەتیی جیهانیش دەکات.
چاوپێکەوتنەکەی بایدن، 22 خولەکی خایاند، بەدرێژایی ئەو کاتە بەرگری لە کاندیدبوونی بۆ جاری دووەم کرد، لەکاتێکدا بەشێک لە ئەندامانی پارتەکەی داوای کشانەوەی لێدەکەن.
