ماوەى چوار رۆژە تورکیا سنوورى ناحیەى دێرەلووک بۆردوومان دەکات

زووم..

سوپاى تورکیا ماوەى چوار رۆژە چیاى مەتینا لە سنوورى ناحیەى دێرەلووکى قەزاى ئامێدى بۆردوومان دەکات

زوومى دهۆک رایگەیاند، کاتژمێر چوارى ئێوارەى ئەمڕۆ، فڕۆکەى جەنگى و بێفڕۆکەوانى سوپاى تورکیا بەسەختى چیاى مەتینایان لە سنوورى ناحیەى دێرەلووکى قەزاى ئامێدى بۆردوومان کرد.

دەشڵێت، بەهۆى بۆردوومان و تۆپبارانەکانى سوپاى تورکیاوە، ترس و دڵەڕاوکێ لەنێو هاووڵاتیانى سنوورەکە بڵاوبووەتەوە و ناتوانن بچنە نێو رەز و باخەکانیان.

دەشڵێت، ماوەی چوار رۆژە، رووبەرووبوونەوەی قورس هەیە لە دەوروبەری ناحیەی دێرەلووک لەنێوان گەریلاکانى پارتی کرێکارانی کوردستان و سوپاى تورکیا، بەو هۆیەوە هاووڵاتیانى گوندەکانى سەرگەلى و سگێرى و بەرچى و کۆمەڵگەى کانى لە سنوورى دێرەلووک تووشى زەرەر و زیانێکى زۆر هاتوون.